වෙල්ගම වෙනුවෙන් අනුර යැවූ ශෝක පණිවුඩය

ගෝල් ෆේස් හි ගාල් කර ඇති වාහන ගැන විශේෂ නිවේදනයක්

ජනාධිපති ලේකම් කාර්යාලය අසල පරිශ්‍රයේ ගාල් කර ඇති වාහන සම්බන්ධයෙන් ජනාධිපති මාධ්‍ය අංශය විසින් විශේෂ නිවේදනයක් නිකුත් කර තිබෙනවා.

ඒ අනුව, නව ජනාධිපතිවරයා පත්වීමත් සමඟ පසුගිය දින කිහිපය තුළ කළ දැනුම් දීම පරිදි ජනාධිපති කාර්යාලය වෙත භාර දුන් රථ වාහන 107ක් මේ වන විට ජනාධිපති කාර්යාලයෙන් පිටත පරිශ්‍රයේ පොලිස් ආරක්ෂාව යටතේ තාවකාලිකව ගාල් කර ඇති බවයි එම නිවේදනයේ සඳහන්.

එමෙන්ම, එම නිවේදනයේ දැක්වෙන්නේ මෙම වාහන ජනාධිපති ලේකම් කාර්යාලයේ නිත්‍ය කාර්ය මණ්ඩලය වෙත ලබා දී තිබූ රථ වාහන නොවන බවත්, හිටපු ජනාධිපති රනිල් වික්‍රමසිංහ විසින් සිය ධූර කාලය තුළ දී ආණ්ඩුක්‍රම ව්‍යවස්ථාවේ 41 (1) වගන්තිය යටතේ පත් කරන ලද සිය පෞද්ගලික කාර්ය මණ්ඩලය වෙත ලබා දී තිබු රථ වාහන බවයි.

එසේම මෙම රථ වාහන ජනාධිපති ලේකම් කාර්යාලයෙන් පිටත පරිශ්‍රයේ ගාල් කර ඇත්තේ ජනාධිපති ලේකම් කාර්යාලය තුළ මෙතරම් වාහන ප්‍රමාණයක් ගාල් කිරීමට ඉඩ කඩ නොමැති නිසා බවත්, කිසිසේත් එය ප්‍රදර්ශනය කිරීමේ අරමුණින් නොවන බවද ජනාධිපති කාර්යාලය දැනුම් දෙනු ලබනවා.

එලෙස භාර දී ඇති වාහන සහ භාවිතා කළ අය පිළිබඳ විස්තරය බාගත කරගන්න (Click)

නිවැරදි කිරීමයි

ප්‍රභූ ආරක්ෂාව සම්බන්ධයෙන් අද විශේෂ සාකච්ඡාවක්

නව රජයේ පලමු අමාත්‍ය මණ්ඩල රැස්වීම අද

ප්‍රභූ ආරක්ෂාවට සිටි නිලධාරීන් නැවත පොලිසිවලට

ප්‍රභූ ආරක්ෂාව සදහා යොදවා සිටි පොලිස් නිලධාරීන් 1,000 කට අධික පිරිසක් දිවයිනපුරා පොලිස් ස්ථානවලට අනුයුක්ත කරන බව පොලිස් මූලස්ථානය පවසනවා.

ඒ අනූව ඉදිරි දින කිහිපයේදී එම කාර්ය සිදු කරන බවයි පැවසෙන්නේ.

ප්‍රභූ ආරක්ෂක රාජකාරියේ යෙදී සිටි පොලිස් නිලධාරීන් මේවන විට ඇමැති ආරක්ෂක කොට්ඨාසයට වාර්තා කරමින් රාජකාරී ගිනි අවි බාරදෙමින් සිටින බවයි බව පොලිස් ආරංචි මාර්ග පවසන්නේ.

ප්‍රභූ ආරක්ෂාවේ යෙදී සිටි එම පොලිස් නිලධාරීන්ට පහසු පොලිස් ස්ථානයක් අනුයුක්ත කොට්ඨාසයෙන් ඉල්ලා සිටිය හැකි බව පැවසෙනවා.

ඒ සම්බන්ධයෙන් පොලිස් මූලස්ථානය සමග සාකච්ඡා කර අදාල පොලිස් ස්ථානවලට යෙදවීමට නියමිත බවයි වාර්තා වන්නේ.

හිටපු කථානායක, හිටපු නියෝජ්‍ය කථානායක සහ විපක්ෂ නායකවරයාගේ ආරක්ෂාව සඳහා යොදවා සිටින පොලිස් නිලධාරීන් හැර දිවයින පුරා සිටින එම කොට්ඨාසයේ අනෙකුත් නිලධාරීන් ඇමැති ආරක්ෂක කොට්ඨාසයට ඉකුත් (24) කැඳවා තිබුණා.

මේ අකාරයට ප්‍රභූ ආරක්ෂාව සඳහා පොලිස් නිලධාරීන් 1,300 කට අධික සංඛ්‍යාවක් යොදවා සිටි බවයි පොලිස් ආරංචි මාර්ග වාර්තා කරන්නේ.

ප්‍රභූ ආරක්ෂාව සදහා යොදවා තිබූ ප්‍රභූ ආරක්ෂක නිලධාරීන් හා මින් පෙර පාර්ලිමේන්තුව නියෝජනය කළ අමාත්‍යවරුන්, මන්ත්‍රීවරුන්, හිටපු ආණ්ඩුකාරවරුන්, පළාත් සභා නියෝජනය කළ හිටපු අමාත්‍යවරුන් හා මන්ත්‍රීවරුන් වෙත ලබාදී තිබූ ප්‍රභූ ආරක්ෂාව ද ඉවත් කර තිබෙන බව පැවසෙනවා.

වින්දිතයන් සහ සාක්ෂිකරුවන් ආරක්ෂා කිරීමේ පනත ප්‍රකාරව අධිකරණ නියෝගයක් මත විශේෂ ආරක්ෂාවක් ලබාදිය යුතු බවට නියෝග කර ඇති පාර්ලිමේන්තු හෝ පළාත් නියෝජනය කළ හෝ ආණ්ඩුකාර ධූර දැරූ ප්‍රභූවරුන් වේනම් ඔවුන් වෙත පමණක් ආරක්ෂාව තවදුරටත් ලබාදෙන බවයි ඇමැති ආරක්ෂක කොට්ඨාසය පවසන්නේ.

පොහොර හා ධීවර සහනාධාරයට මැතිවරණ කොමිසමෙන් වැට

මහ කන්නයේ වී ගොවීන් සඳහා රුපියල් 25,000 ක දීමනාවක් සහ ධීවර ප්‍රජාවට ඉන්ධන සහනාධාරයක් ලබාදීමට ජනාධිපති අනුර කුමාර දිසානායක ගත් තීරණය මැතිවරණ කොමිසම විසින් අත්හිටුවා තිබෙනවා.

මහ මැතිවරණයක් ප්‍රකාශයට පත් කර ඇති අවස්ථාවේදී මෙවැනි සහනාධාරයක් ලබාදීමට තීන්දු කිරීමෙන් සෙසු අපේක්ෂකයන් අගතියට පත්වීම සැළකිල්ලට ගෙන මෙම තීන්දුව ගත් බවයි මැතිවරණ කොමිෂන් සභාවේ සභාපති ආර්.එම්.ඒ.එල්. රත්නායක කියා සිටියේ.

අධ්‍යාපනයට වෙන්කරන මුදල ගැන අග්‍රාමාත්‍ය හරිනිගෙන් සහතිකයක්

දළ ජාතික නිෂ්පාදනයෙන් සියයට 6ක් අධ්‍යාපනය වෙනුවෙන් එක්වරම වෙන්කිරීම පවතින ආර්ථික අර්බුදය හමුවේ ගැටලුකාරී තත්ත්වයක් වුවත්, එය ක්‍රමානුකූලව ලබාදීමට ඉදිරියේදී පියවර ගන්නා බව අග්‍රමාත්‍ය ආචාර්ය හරිනි අමරසූරිය පැවසීය.

ජාතික පාසල් 396ක විදුහල්පතිවරුන්ගේ සහභාගිත්වයෙන් කොළඹ ආනන්ද විද්‍යාලයේදී ඊයේ (28) පැවති සමුළුවක් අමතමින් ඇය මේ බව කියා සිටියාය.

වැඩිදුරටත් අදහස් දැක්වූ අග්‍රමාත්‍ය ආචාර්ය හරිනි අමරසූරිය,

“අපි අධ්‍යාපනය තුළින් බලාපොරොත්තු වෙන්නේ දැනුම කේන්ද්‍ර කරගෙන දෙන අධ්‍යාපනයක් පමණක් නෙමෙයි. මූලික වශයෙන් මේ සමාජයට, අපේ රටට අවශ්‍ය පුරවැසියා බිහිකිරීම අධ්‍යාපනයෙන් සිදුවිය යුතුයි.  අධ්‍යාපනය පිළිබඳ විශ්වාසය නැවත ගොඩනැගීම වැදගත්. අධ්‍යාපනය ගැන දරුවන්ට, මව්පියන්ට, ගුරුවරුන්ට විශ්වාසයක් නැහැ. ඒ පිළිබඳව කලකිරීමකින් ඉන්නේ. විභාග, පත්වීම්, බඳවාගැනීම් අර්බුදකාරී තත්ත්වයක. අධ්‍යාපනය දේශපාලනීකරණය වීම මත විශාල පීඩනයකින් ඔබ ඉන්නේ. ඔබේ වෘත්තිමය ගරුත්වය රකින අධ්‍යාපනයක් අපි හදනවා.  

දළ ජාතික නිෂ්පාදනයෙන් 6%ක් අධ්‍යාපනයට වෙන්විය යුතුයි. ආර්ථික අර්බුදයත් සමග එක්වර දෙන්න බැහැ. ක්‍රමානුකූලව ඒ ඉලක්කය වෙත යන්න සැලසුම් තියෙනවා. අපේ අයවැය තුළ අධ්‍යාපනයට විශේෂ තැනක් දෙනවා”. 

අලුතින් ඉදි කළ ක්‍රීඩා මධ්‍යස්ථාන 05 ක් උත්සවවලින් තොරව විවෘත කරන ලෙස අගමැතිගෙන් උපදෙස්

“ජාතික ජන බලවේග රජය සිදු කරන සියලු පත්වීම්වලට වග කියනවා” – අග්‍රාමාත්‍ය හරිනි

ශ්‍රී ලංකාවේ සංවර්ධනයට ආයෝජන ගේන්න අමෙරිකාව සූදානම්

ජනපති අනුර ජාත්‍යන්තර පොත් ප්‍රදර්ශනයට

ජනාධිපති විසින් අතිවිශේෂ ගැසට් නිවේදනයක් නිකුත් කරයි (ගැසට් නිවේදන)

එම ගැසට් නිවේදනය සඳහා පිවිසෙන්න,

ජ්‍යෙෂ්ඨ නියෝජ්‍ය පොලිස්පති ප්‍රියන්ත වීරසූරිය වැඩබලන පොලිස්පති ධුරයේ රාජකාරි අරඹයි

හදිසියේම ක්‍රීඩා අමාත්‍යාංශයට පැමිණි අගමැතිනිය කළ සැර ප්‍රකාශය

නව රජයේ වැඩපිළිවෙලට කොරියාවේ සහායත් ලැබෙයි

කොළඹ කොටස් වෙළදපොළ අදත් ඉහළ යයි

සියළුම හිටපු මන්ත්‍රීවරුන්ගේ පොලිස් ආරක්ෂාව ඉවත් කරයි

නිල නිවාස සහ බංගලා වහා භාරදෙන ලෙස හිටපු අමාත්‍යවරුන්ට දැනුම්දීමක්

වැඩබලන පොලිස්පතිවරයා ලෙස ජ්‍යෙෂ්ඨ නියෝජ්‍ය පොලිස්පති ප්‍රියන්ත වීරසූරිය පත්කෙරේ

ජපාන රජයේ ආධාර යටතේ මෙරට ක්‍රියාත්මක දැනට වැඩ අතරමග නැවතී ඇති ව්‍යාපෘති 11ක ඉදිකිරීම් කඩිනමින් ඇරඹේ

වසා දැමූ කොළඹ මාර්ග දෙකක් ජනපති නියමයෙන් යළි මහජනතාවට විවෘත කෙරේ

ජනාධිපති සන්නද්ධ හමුදා කැඳවයි

අතුරුදන්ව ඇති රජයේ වාහන 29 ගැන විමර්ශනයක් ඉල්ලා CIDයට පැමිණිල්ලක්

නව ජනපති අනුරට අමෙරිකානු ජනපති නිකුත්කළ සුබපැතුම් පණිවිඩය

ගාල්කර ඇති රජයේ වාහන අත්‍යාවශ්‍ය සේවාවන් පවත්වාගෙන යන ආයතනවලට ලබාදීමට සැලසුම්

ජනාධිපති ලේකම් කාර්යාලය අවට හා තවත් ස්ථාන කිහිපයක ගාල්කර ඇති සුඛෝපභෝගි රථවාහන ඉදිරියේදි අත්‍යාවශ්‍ය සේවාවන් පවත්වාගෙන යන ආයතනවලට ලබා දීමට සැලසුම්කර ඇති බව ජනාධිපති පෞද්ගලික ලේකම් ආනන්ද විජේපාල පවසනවා.

ඔහු සඳහන් කළේ පැවති රජයේ මැති ඇමතිවරුන් ඇතුළු විවිධ පුද්ගලයින් භාවිත කළ වාහන 107ක් එම ස්ථානවල එලෙස ගාල්කර ඇති බවයි.

ජනාධිපති ලේකම් කාර්යාලයට අයත් රථගාල ඇතුළු ස්ථාන කිහිපයක ඊයේ සහ පෙරේදා දිනවලදි මෙලෙස රථවාහන ගාල්කර තිබුණා.

පැවති රජයේ මැති ඇමතිවරුන්, අමාත්‍යංශ ලේකම්වරුන්, රාජ්‍ය නිලධාරීන් ඇතුළු විවිධ පුද්ගලයින්ට එම වාහන ලබා දි තිබුණා.

එලෙස ගාල්කර තිබු වාහන අතර, V8 වර්ගයේ සුපිරි ජීප් රථ, රේන්ජ් රෝවර්, මොන්ටේරෝ ඇතුළු සුඛෝපභෝගි වාහන ද වනවා.

මෙම වාහන සම්බන්ධයෙන් ගනු ලබන ක්‍රියාමාර්ග පිළිබඳව මාධ්‍ය වෙත අදහස් පළ කරමින් ජනාධිපති පෞද්ගලික ලේකම් ආනන්ද විජේපාල පැවසුවේ සුඛෝපභෝගි රථවාහන ඇතුළු වාහන 107ක් එලෙස ගාල්කර ඇති බවයි.

අද මධ්‍යම රාත්‍රියේ සිට වීසා ලබාදීම පැරණි ක්‍රමයටම

ජනාධිපති අනුර කුමාර දිසානායකට ලෝක බැංකුවේ සහාය

මෙරට 9 වැනි විධායක ජනාධිපතිවරයා ලෙස තේරී පත් වූ අනුර කුමාර දිසානායකට ලෝක බැංකු සමූහය සිය උණුසුම් සුබ පැතුම් පිරිනමා තිබෙනවා.

ලෝක බැංකුවේ දකුණු ආසියානු කලාපයේ උප සභාපති මාටින් රයිසර් සහ ජාත්‍යන්තර මූල්‍ය සංස්ථාවේ ආසියානු හා පැසිෆික් කලාපීය උප සභාපති රිකාර්ඩෝ පුලිටි ජනාධිපතිතුමා වෙත විශේෂ පණිවිඩයක් යොමු කරමින් ශ්‍රී ලංකාවේ ආර්ථික ප්‍රකෘතිය සහ සංවර්ධනය සඳහා අඛණ්ඩ සහාය ලබා දෙන බවට ද සහතික වී ඇති බවයි වාර්තා වන්නේ.

මෙරට ආර්ථිකය නැවතත් ප්‍රකෘති කිරීම සඳහා රාජ්‍යයේ අඛණ්ඩ සහයෝගය අවශ්‍ය බව හඳුනාගන්නා අතරම ආර්ථික වර්ධනය, සෞභාග්‍යය හා සංවර්ධනය සඳහා ඇති අවස්ථාවද ඒ හා සමානවම වැදගත් බව එම ලිපියේ සඳහන්.

රට තුළ වඩාත්ම අවදානමට ලක්විය හැකි ප්‍රජාවගේ අවශ්‍යතා සපුරාලීම මෙන්ම සියල්ල ඇතුළත් වර්ධනයක් අත්කර ගැනීම සඳහා ශ්‍රී ලංකාවේ නව පරිපාලනයේ නායකත්වයට ලෝක බැංකු සමූහයේ සහාය ලබාදීමට කැපවන බවද එහි සඳහන්ව තිබූ බවයි වාර්තා වන්නේ.

ජනපතිගෙන් ගොවීන්ට සහ ධීවරයන්ට සහනාධාර

• මහ කන්නය සඳහා හෙක්ටයාරයකට රුපියල් 25,000/-ක පොහොර සහනාධාරයක්
• ධීවරයන් සඳහා ඉන්ධන සහනාධාරයක්

ලබාදීමට ජනපතිගෙන් මහා භාණ්ඩාගාරයට උපදෙස්

2024/25 මහ කන්නයේ වී ගොවීන් සඳහා හෙක්ටයාරයකට රුපියල් 25,000ක දීමනාවක් ලබා දීමට ගරු ජනාධිපති අනුර කුමාර දිසානායක මහතා විසින් මහා භාණ්ඩාගාරය වෙත උපදෙස් ලබා දී තිබේ.

ඒ අනුව මෙතෙක් හෙක්ටයාරයකට ලැබුණු රුපියල් 15,000/-ක පමණ වූ පොහොර සහනාධාර දීමනාව රුපියල් 25,000/ දක්වා වැඩි වනු ඇත. මෙම සහනාධාරය ඔක්තෝබර් 01 වනදා සිට ක්‍රියාත්මකය.

කාර්යක්ෂම හා ඵලදායී ලෙස එම සහනාධාරය ගොවීන් වෙත ලබාදීම සඳහා අදාළ මුදල් සෘජුවම ගොවින්ගේ බැංකු ගිණුම් වෙත ප්‍රේෂණය කිරීමට කටයුතු කෙරේ.

නිවැරදි කෘෂි යෙදවුම් කළමනාකරණයක් අරමුණු කර ගනිමින් සාධාරණ මිලට පොහොර ඇතුළු කෘෂි යෙදවුම් ලබා දීම සහ යහපත් කෘෂිකාර්මික පිළිවෙත්වලට අනුව රසායනික හා කාබනික පොහොර ඇතුළු කෘෂි යෙදවුම් සඳහා සහනාධාර ලබා දීම පිළිබඳ නව රජයේ ප්‍රතිපත්ති ප්‍රකාශයේ සඳහන් කර තිබෙන අතර ඒ අනුව මෙම පියවර ගෙන ඇත.

මේ අතර අඩාල වී ඇති ධීවර කර්මාන්තය නඟා සිටුවා නිෂ්පාදන පිරිවැය අඩු කිරීමට ඔක්තෝබර් 01 වනදා සිට ක්‍රියාත්මක වන පරිදි ධීවර ප්‍රජාවට ඉන්ධන සහනාධාරයක් ලබා දීමට ද ගරු ජනාධිපතිතුමා විසින් මහා භාණ්ඩාගාරය වෙත උපදෙස් ලබා දී තිබේ.

ඒ අනුව බහුදින හා එක්දින යාත්‍රා සඳහා ඉන්ධන සහනාධාරයක් මාසික පදනමින් ලබා දීමට කටයුතු කෙරේ. මෙම සහනාධාරය ද සෘජුවම ධීවරයින්ගේ බැංකු ගිණුම් වෙත ප්‍රේෂණය කරනු ඇත.

ධීවර කර්මාන්තය තිරසාර හා පරිසර හිතකාමී ලෙස සංවර්ධනය හා කළමනාකරණය කිරීමටත්, ඒ තුළින් මත්ස්‍ය නිෂ්පාදනය සුලභ කිරීම හා පාරිභෝගිකයාට සාධාරණ මිලකට ලබා ගත හැකි තත්ත්වයකට පත් කිරීමත් කර්මාන්තයේ නියැලෙන්න්ගේ ජීවන තත්ත්වය උසස් කිරීමත් පිළිබඳ නව රජයේ ප්‍රතිත්ති ප්‍රකාශයේ සඳහන් කර තිබේ.

ඒ අනුව දැනට දැඩි පසු බෑමකට ලක් වී ඇති සමුද්‍රීය ධීවර කටයුතු යථාවත් කිරීම සඳහා මූල්‍ය හා තාක්ෂණික සහාය ලබා දීමට කටයුතු කරනු ඇත.

”දේශපාලකයින් පාසල් උත්සවවලට ගෙන්වීම වහාම නතර කරන්න” අග්‍රාමාත්‍ය ආචාර්ය හරිනි අමරසූරිය

ශිෂ්‍යත්ව ප්‍රශ්න පත්‍ර පිටවීම හේතුවෙන් දරුවන්ට සිදු වූ අසාධාරණයට වහාම සාධාරණය ඉටු විය යුතු බවත්, පිට වූ ප්‍රශ්න පිලිබඳ පූර්ණ විමර්ශන වාර්තාවක් ස්වාධීන විශේෂඥයින්ගේ දායකත්වයෙන් සිදු කර සිය අවධානයට යොමු කරන ලෙසත් අග්‍රාමාත්‍ය ආචාර්ය හරිනි අමරසූරිය පවසනවා.

අද (26) පෙරවරුවේ අධ්‍යාපන අමාත්‍යංශයේ සියළු අංශවල නිලධාරීන් සමග පැවති සාකච්ඡාවේදී අග්‍රාමාත්‍යවරිය මේ බව සඳහන් කර තිබෙනවා.

මෙහිදී අදහස් දැක් වූ අග්‍රාමාත්‍ය ආචාර්ය හරිනි අමරසූරිය,
”පාසල් අධ්‍යාපනය සංවර්ධනය කිරීම වත්මන් රජයේ පුමුඛ අරමුණක්. අපේ රජය යටතේ අධ්‍යාපනය සඳහා වැඩි ප්‍රතිපාදන ප්‍රමාණයක් වෙන් කිරීමට අපි තීරණය කර තිබෙනවා. අධ්‍යාපන අමාත්‍යංශය සහ විභාග දෙපාර්තමේන්තුව සම්බන්ධයෙන් ජනතාව තුළ ඇති වී තිබෙන අවිශ්වාසය නැති කිරීමට මේ ආයතන කටයුතු කළ යුතුයි. විශේෂයෙන් විභාග පැවැත්වීම හා ප්‍රථිපල ලබාදීම කඩිනම් කරන්න. ගුරු පුරප්පාඩු පිරවීමේදී නිසි ක්‍රම වේදයක් මගින් සිදු විය යුතුයි. ජනතාව තුල විශ්වාසය ඇති වන පරිදි විනිවිද භාවයෙන් පුරප්පාඩු පිරවීම සිදු කරන්න වෙනවා. පාසල් පැත්තෙන් මට පොඩි යෝජනාවක් තියෙනවා ඒක එක පාර කරන්න බැරි වුණත් පාසල්වලින් මට වාර්තා වෙනවා මානසික සෞඛ්‍ය මානසික අසහන පිළිබඳ ප්‍රශ්න. මේ ගැන අපි මැදිහත් වෙන්නම ඕන. අපි තේරුම් ගන්න ඕන එකක් තියෙනවා. මේ පරපුර කොවිඩ් වලටත් මුහුණ දුන්නා. ඒ වගේම මහජන නියෝජිතයින් පාසල්වලට ගෙන්වීම නතර කරන්න”

තෙල් සංචිත ගැන බලශක්ති නිලධාරීන් ජනපතිව දැනුවත් කරයි

ජනාධිපති අද ජාතිය අමතයි

ජනපති අනුර රටේ ආර්ථික සුරක්ෂිතභාවය වනු ඇතැයි IMF විශ්වාස කරයි

තැන තැන ගාල් කෙරුණු රජයේ වාහන

“අපේ ආණ්ඩුවේ ඇමැතිවරු OIC ට කතා කරලා අරක කරන්න, මේක කරන්න කියන්නේ නෑ”

වත්මන් ආණ්ඩුවේ කිසිදු අමාත්‍යවරයෙකු පොලිසියේ යම් යම් ක්‍රියා සම්බන්ධයෙන් පරණ වැරදි සංස්කෘතිය ක්‍රමවේදය නොකරන බව මහජන ආරක්ෂක අමාත්‍ය විජිත හේරත් පවසනවා.

ඔහු මේ බව පැවසුවේ අද (25) මහජන අමාත්‍යංශයේ වැඩ භාර ගැනීමේ අවස්ථාවට එක්වෙමින්.

එහිදී ඔහු කියා සිටියේ මෙතෙක් පැවැතියානම් වැරදි දේ නිවැරදි කර ගැනීමට අවස්ථාව පොලිසියට ලැබෙනු ඇති බවයි.

එමෙන්ම දේශපාලන බලපෑම් මත පොලිස් ස්ථානාධිපතිවරු පත් කීරීමේ මීන් පසු සිදු නොවන බව අමාත්‍යවරයා මෙහිදී කියා සිටියා.

ගුවන් බලපත්‍ර නිකුත් කිරිම ප්‍රමාදය සම්බන්ධයෙන් කඩිනමින් විසදුම් අදාළ නිලධාරින් ඉදිරිපත් කරනු ඇති බව බලාපොරොත්තු වන බව ඔහු කියා සිටියා.

පොලිසිය සම්බන්ධයෙන් ජනතාවගේ විශ්වාසය බිඳ වැටීම දකින්නට ලැබෙන බවත් දේශපාලන ඇඟිලි ගැසීම් නතර කරන බවත් කුමන හෝ වරදක් පොලිසිය පැත්තෙන් සිදුව ඇතිනම් එය නිවැරදි කරගෙන කටයුතු කරගෙන යන ලෙස අමාත්‍යවරයා කියා සිටියා.

එමෙන්ම රාජකාරී මට්ටමින් උස්ස කිරීම් සිදු කල යුතු බවත් කිසිදු දේශපාලන මැදිහත් වීමක් ඉදිරියේදී සිදු නොවන බව මහජන ආරක්ෂක අමාත්‍ය විජිත හේරත් මෙහිදී වැඩිදුරටත් කියා සිටියා.

ජනාධිපති මාධ්‍ය අංශයට නව අධ්‍යක්ෂ ජනරාල්වරයෙක්

ජනපති අනුරට සිංහලෙන්ම සුබ පැතූ ප්‍රංශ ජනපති

නව අමාත්‍යංශ ලේකම්වරුන් පත්කෙරේ

අග්‍රාමාත්‍ය ලේකම්, අමාත්‍ය මණ්ඩල ලේකම් සහ අමාත්‍යංශ ලේකම්වරුන් 15 දෙනෙකුට අද පත්වීම් ලිපි භාරදී තිබෙනවා.

ඒ, ජනාධිපති ලේකම් නන්දික සනත් කුමානායක විසින්.

එම තනතුරු පහතින් දැක්වේ.

අග්‍රාමාත්‍ය ලේකම් – ජී.පී සපුතන්ත්‍රී

අමාත්‍ය මණ්ඩලයේ ලේකම් – ඩබ්ලිව්.එම්.ඩී.ජේ. ප්‍රනාන්දු

ප්‍රවාහන,මහාමාර්ග,වරාය සහ සිවිල් ගුවන් සේවා අමාත්‍යංශ ලේකම් – කේ.ඩී.එස්.රුවන්චන්ද්‍ර

මුදල්,ආර්ථික සංවර්ධන,ප්‍රතිපත්ති සම්පාද,සැලසුම් සහ සංචාරක අමාත්‍යංශ ලේකම් – කේ.එම්.එම්.සිරිවර්ධන

විදේශ කටයුතු අමාත්‍යංශ ලේකම් – අරුණි විජේවර්ධන

අධ්‍යාපන,විද්‍යා සහ තාක්ෂණ අමාත්‍යංශ ලේකම් – ජේ.එම්.ටී.ජයසුන්දර

කාන්තා,ළමා හා තරුණ කටයුතු සහ ක්‍රීඩා අමාත්‍යංශ ලේකම් – කේ.මහේසන්

වෙළඳ,වාණිජ,ආහාර සුරක්ෂිතතා,සමූපාකාර සංවර්ධන,කර්මාන්ත සහ ව්‍යවසායකත්ව සංවර්ධන අමාත්‍යංශ ලේකම් – එම්.එම්.නයිමුදීන්

ග්‍රාමීය හා නාගරික සංවර්ධන,නිවාස හා ඉදිකිරීම් අමාත්‍යංශ ලේකම් – ඒ.එම්.පී.එම්.බී.අතපත්තු

සෞඛ්‍ය අමාත්‍යංශ ලේකම් – පාලිත ගුණරත්න මහීපාල

අධිකරණ,රාජ්‍ය පරිපාලන,ස්වදේශ කටයුතු, පළාත් සභා, පළාත් පාලන සහ කම්කරු අමාත්‍යංශ ලේකම් – ඩබ්ලිව්.පී.පී යසරත්න

පරිසර,වනජීවී,වන සම්පත්,ජල සම්පාදන,වැවිලි සහ ප්‍රජා යටිතල පහසුකම් අමාත්‍යංශ ලේකම් – බී.කේ.ප්‍රභාත් චන්ද්‍රකීර්ති

කෘෂිකර්ම,ඉඩම්,පශු සම්පත්,වාරිමාර්ග,ධීවර හා ජලජ සම්පත් අමාත්‍යංශ ලේකම් – එම්.පී.එන්.එම් වික්‍රමසිංහ

ආරක්ෂක අමාත්‍යංශ ලේකම් – එච්.එස්.එස්.තුයියකොන්තා

මහජන ආරක්ෂක අමාත්‍යංශ ලේකම් – ඩී.ඩබ්ලිව්.ආර්.බී. සෙනෙවිරත්න

බුද්ධශාසන, ආගමික සහ සංස්කෘතික කටයුතු, ජාතික ඒකාබද්ධතා, සමාජ අරක්ෂණ සහ ජනමාධ්‍ය අමාත්‍යාංශ ලේකම් – රංජිත් ආරියරත්න

බලශක්ති අමාත්‍යංශයේ ලේකම් – මහාචාර්ය කේ.ටී.එම්.උදයංග හේමපාල

ජනපති අනුර දිසානායක යටතට පත්වූ අමාත්‍යාංශ

නව කැබිනට් මණ්ඩලය මීට සුළු මොහොතකට පෙර අභිනව ජනාධිපති අනුර කුමාර දිසානායක මහතා ඉදිරියේ දිවුරුම් දෙනු ලැබුවා.

ඒ අනුව ජනාධිපතිතුමා යටතේ පවතින අමාත්‍යාංශ පහතින් දැක්වේ

• ආරක්ෂක අමාත්‍යාංශය
• මුදල් ආර්ථික සංවර්ධන ප්‍රතිපත්ති සම්පාදන සැලසුම් සහ සංචාරක අමාත්‍යංශය
• බලශක්ති අමාත්‍යාංශය
• කෘෂිකර්ම, ඉඩම්, පශු සම්පත්, වාරිමාර්ග ධීවර හා ජල සම්පත් අමාත්‍යාංශය

අග්‍රාමාත්‍ය ආචාර්ය හරිනි අමරසූරිය යටතට පත්වන අමාත්‍යාංශ

නව කැබිනට් මණ්ඩලය මීට සුළු මොහොතකට පෙර අභිනව ජනාධිපති අනුර කුමාර දිසානායක ඉදිරියේ දිවුරුම් දුන්නා.

එහිදී අග්‍රාමාත්‍ය ආචාර්ය හරිනි අමරසූරිය යටතට පත්වන අමාත්‍යාංශ පහතින් දැක්වේ.

• අධිකරණ, රාජ්‍ය පරිපාලන, ස්වදේශ කටයුතු, පළාත් සභා, පළාත් පාලන සහ කම්කරු අමාත්‍යාංශය
• අධ්‍යාපන, විද්‍යා හා තාක්ෂණ අමාත්‍යංශය,
• කාන්තා ළමා හා තරුණ කටයුතු සහ ක්‍රීඩා අමාත්‍යාංශය
• වෙළඳ වාණිජ,
• ආහාර සුරක්ෂිතතා, සමූපකාර සංවර්ධන, කර්මාන්ත සහ ව්‍යවසායකත්ව සංවර්ධන අමාත්‍යාංශය
• සෞඛ්‍ය අමාත්‍යාංශය

විජිත හේරත් කැබිනට් අමාත්‍ය ධුරයේ දිවුරුම් දෙයි – ඔහු යටතට පත්වන අමාත්‍යාංශ

තව පැය කිහිපයකින් පාර්ලිමේන්තුව විසුරුවා හැරීමේ සූදානමක්

අද දිනයේ (24) පාර්ලිමේන්තුව විසුරුවා හැරීමට බොහෝ දුරට ඉඩ ඇති බව, අග්‍රාමාත්‍ය ආචාර්ය හරිනි අමරසූරිය පවසනවා.

ජනපති අනුර කුමාර දිසානායක ඉදිරියේ නව රජයේ අග්‍රාමාත්‍යවරිය ලෙස මීට සුළු මොහොතකට පෙර දුවුරුම් දුන් ඇය මාධ්‍ය වෙත අදහස් දක්වමින් මේ පිළිබඳව ප්‍රකාශකර සිටියා.

ඇය තව දුරටත් සඳහන් කර සිටියේ ”අප විශ්වාස කරමින් ජන බලය ලබා දුන් ජනතාවට ස්තූතිවන්ත වන බවයි”

අගමැතිනිය ලෙස ආචාර්ය හරිනි අමරසූරිය දිවුරුම් දෙයි

Dr. Harini Amarasuriya, who became the 16th Prime Minister of Sri Lanka, began her duties at the Prime Minister’s Office at Flower Road, Colombo, this afternoon (24th).

She is the first woman in South Asia to rise to the position of Prime Minister without coming from a political family.

Prime Minister Amarasuriya stated that the current government is ready to bring about the change the people expect and called for everyone’s commitment and support to achieve it.

Meanwhile, the newly appointed Secretary to the Prime Minister, Mr. G. Pradeep Saputantri, also commenced his duties at the Prime Minister’s Secretariat.

Prime Minister’s Additional Secretaries Harsha Wijewardene, Mahinda Gunaratne, Senior Assistant Secretary D. Mashanka H. Liyanage, and a group of officials from the Prime Minister’s Office participated in the event.

Newly elected President visits the Chief Prelates of Malwathu and Asgiri Temples

The newly elected President, Hon. Anura Kumara Dissanayake, visited the Most Venerable Mahanayake Theros of the Malwathu and Asgiri Chapters today (23) to receive their blessings, following his visit to pay homage at the ‘Dalada Maligawa,’ the Temple of the Sacred Tooth Relic.

President Dissanayake first visited the Malwathu Maha Viharaya, where he met with Most Venerable Thibbatuwawe Sri Sumangala Thero, the Mahanayake of the Malwathu Chapter. During their meeting, the President inquired about the Thero’s well-being and engaged in a brief conversation. The Mahanayake Thero then extended blessings for the President and for the success in his duties as head of state.

Afterward, President Dissanayake visited the Asgiri Maha Viharaya, where he met with Most Venerable Warakagoda Sri Gnanarathana Thero, the Mahanayake of the Asgiri Chapter, and received his blessings as well.

The Karaka Sangha Sabha of the Asgiri Chapter, led by the Anunayake Theros also participated in the ceremony, chanting Seth Pirith and invoking blessings on the new President.

Former Members of Parliament K.D. Lalkantha and Bimal Rathnayake were present at the occasion.

Newly Elected President Visits Colombo Archbishop and Received Blessings

Honourable President Anura Kumara Dissanayake paid a visit to the Archbishop of Colombo, His Eminence Malcolm Cardinal Ranjith, today (23), where he received the Archbishop’s blessings.

During his visit to the Archbishop’s House, Colombo, the President inquired about His Eminence’s well-being and engaged in a brief conversation.

His Eminence Malcolm Cardinal Ranjith, Archbishop of Colombo, expressed his congratulations to President Anura Kumara Dissanayake on his election as President, reflecting the will of the majority in Sri Lanka.

He acknowledged that the people have entrusted the new President with the significant responsibility of bringing about the necessary changes in the country, a task that may prove to be challenging. The Cardinal assured the President of his full support and blessings in this endeavour and urged him to prioritize the needs of the poor in his efforts.

In response to a journalist’s question, His Eminence Malcolm Cardinal Ranjith mentioned that the President had assured him of his commitment to thoroughly investigate the Easter attacks and to take steps towards uncovering the truth.

Auxiliary Bishops of Colombo His Eminence Maxwell Silva, His Eminence J D Anthony, Rev. Father Anton Ranjith, Spokesperson of the Archdiocese of Colombo Rev. Father Cyril Gamini Fernando, Rev. Father Joseph Indika, Rev. Father Jude Samantha Fernando, MP Vijitha Herath, Former MP Bimal Ratnayake and President’s Counsel Rienzie Arsekularatne were also present at the moment.

Following this visit, President Dissanayake also visited the Dawatagaha Mosque in Colombo, where he participated in religious ceremonies and received blessings.

නව ආණ්ඩුවේ අගමැති හරිනි, පාර්ලිමේන්තුව විසුරුවා හැරීම අද රාත්‍රියේ !

ලංකා වාණිජ මණ්ඩලයෙන් නව ජනපතිට යොමුකළ ලිපිය

අභිනව ජනපති දළදා වහන්සේ වැඳපුදා ගනී

නව වන විධායක ජනාධිපති අනුර කුමාර දිසානායක මහතා දළදා වහන්සේ වැඳපුදාගෙන තිබෙනවා.

මේ අතර අනුර කුමාර දිසානායක මහතා අද (23) පෙරවරුවේ ගාලුමුවදොර පිහිටි ජනාධිපති ලේකම් කාර්යාලයේ දී අගවිනිසුරු ජයන්ත ජයසූරිය මහතා ඉදිරියේ දී අභිනව ජනාධිපතිවරයා ලෙස දිවුරුම් ලබාදීමෙන් අනතුරුව මෙලෙස මහනුවර බලා පිටත්ව ගොස් ඇත්තේ ඔහු මෙතෙක් කල් භාවිත කළ සාමාන්‍ය මෝටර් රථවලින් වන බවයි වාර්තා වන්නේ.

ඒ අනුව නව ජනාධිපතිවරයා හෙලිකොප්ටර් භාවිත නොකර මෙලෙස සාමාන්‍ය රථ දෙකක් පමණක් යොදාගනිමින් කොළඹ සිට කුරුණැගල හරහා මධ්‍යම අධිවේගී මාර්ගය ඔස්සේ මහනුවර වෙත පැමිණීම, එහි සිටි ජනතාවගේ ප්‍රශංසාවට ලක්ව ඇති බවද සඳහන්.

මහනුවර වෙත ගොස් ජනාධිපති අනුර කුමාර දිසානායක මහතා ශ්‍රී දළදා මාලිගාව වැඳපුදා ගැනීමෙන් අනතුරුව මහනාහිමිවරුන් බැහැදැක සුහද කතාබහක ද නිරත වී තිබෙනවා.

අති දක්ෂ ගුවන් හමුදා හෙලිකොප්ටර් යානා මෙහෙයුම් නියමුවෙකු වූ නව ආරක්ෂක ලේකම්

නව ආරක්ෂක ලේකම් සහ මහජන ආරක්ෂක ලේකම් පත්කෙරේ

නව ආරක්ෂක ලේකම්වරයා ලෙස විශ්‍රාමික එයාර් වයිස් මාර්ෂල් සම්පත් තුයියකොන්තා පත්කර තිබෙනවා.

1966 වසරේ නොවැම්බර් 26 වනදා උපත ලැබූ ඔහු වසර 33 ක කාලයක් ගුවන් හමුදාවේ සේවය කර 2021 වසරේදී විශ්‍රාම ගනු ලැබුවා.

එසේම මහජන ආරක්ෂක අමාත්‍යංශයේ නව ලේකම්වරයා ලෙස හිටපු ජ්‍යෙෂ්ඨ නියෝජ්‍ය පොලිස්පති රවී සෙනෙවිරත්න පත්කර තිබෙනවා.

ඒ අනුව ඔහු අද (23) දිනයේ එම ධුරයේ වැඩ භාරගනු ලැබුවා.

ජනාධිපති අනුර කුමාර දිසානායකගේ පෞද්ගලික ලේකම් ලෙස පත්කර ඇත්තේ කේ. ආනන්ද විජේපාලයි.

නව වැනි විධායක ජනාධිපති අනුර කුමාර දිසානායක සම්බන්ධයෙන් හිරු ප්‍රවෘත්ති තබන සටහනක්

දිසානායක මුදියන්සේලාගේ අනුර කුමාර දිසානායක 1968 වසරේ නොවැම්බර් මස 24 වැනිදා ගලේවල දේවහූව ප්‍රදේශයේදි උපත ලැබූවා.

අනුර කුමාර දිසානායක සිය ප්‍රාථමික අධ්‍යාපනය අවසන් කරන්නේ තඹුත්තේගම ප්‍රාථමික විද්‍යාලයෙන්.

අනතුරුව ද්විතීයික අධ්‍යාපනය සඳහා ඔහු ඇතුළත් වන්නේ තඹුත්තේගම මධ්‍ය මහා විද්‍යාලයටයි.

පාසල් අවදියේ සිටම සමාජවාදි ශිෂ්‍ය සංගමයේ කටයුතුවලට සම්බන්ධවෙමින් දේශපාලනයට අත්පොත් තබන අනුර කුමාර දිසානායක 1987 වසරේදී ඉන්දු ලංකා ගිවිසුමට එරෙහිව වීදි ශිෂ්‍ය සටන් වලද කැපී පෙනෙන චරිතයක් බවට පත් වුණා.

ගණිත අංශයෙන් උසස් පෙළ හදාරණ ඔහු 1992 වසරේදි භෞතික විද්‍යා විෂය ධාරාවෙන් කැළනිය විශ්වවිද්‍යාලයට තේරිපත් වනවා

කැලණිය සරසවිය සිය ජාතික දේශපාලනයේ තිඹිරිගෙය බවට ද පත් කරගත් මේ තරුණ විප්ලවවාදියා 1995 වසරේදි භෞතික විද්‍යා විද්‍යාවේදි උපාධිය හිමි කරගත්තා.

ජනතා විමුක්ති පෙරමුණ සමඟ එක්ව සිය දේශපාලන කටයුතු ඉදිරියට ගෙන යන අනුර කුමාර දිසානායක 1997 වසරේදි සමාජවාදි ශිෂ්‍ය සංගමයේ ජාතික සංවිධායකවරයා ලෙසත්, ජනතා විමුක්ති පෙරමුණේ මධ්‍යම කාරක සභාවටත් තේරි පත්වනවා.

අනුර කුමාර දිසානායක ජනතා විමුක්ති පෙරමුණේ දේශපාලන මණ්ඩලයට පත්වන්නේ 1998 වසරේදියි.

2000 වසරේදී ප්‍රථමවරට පාර්ලිමේන්තු මන්ත්‍රීවරයෙක් ලෙස තේරිපත්වන අනුර කුමාර දිසානායක ආරම්භයේ සිටම කැපී පෙනෙන දේශපාලන චරිතයක් බවට පත් වුණා.

2004 වසරේදි පොදු ජන එක්සත් පෙරමුණ සමඟ සන්ධනාගතව පිහිටුවාගත් එක්සත් ජනතා නිදහස් සන්ධානය යටතේ යළිත් මහ මැතිවරණයට තරග කරන අනුර කුමාර දිසානායක, එවර පාර්ලිමේන්තුවට තේරිපත්වන්නේ කුරුණෑගල දිස්ත්‍රික්කයේ වැඩිම මනාප ලාභියා ලෙසයි.

එම ආණ්ඩුවේ කෘෂිකර්ම, ඉඩම්, වාරිමාර්ග සහ පශු සම්පත් අමාත්‍යවරයා ලෙසද පත් කෙරුණා.

ජනතා විමුක්ති පෙරමුණේ ප්‍රගමනය උදෙසා වසර ගණනාවක් දැවැන්ත මෙහෙවරක් ඉටුකළ අනුර කුමාර දිසානායක 2014 වසරේදි ජනතා විමුක්ති පෙරමුණේ නායකත්වයට පත් වුණා

වසර 24 ක කාලයක් පාර්ලිමේන්තුවේ ක්‍රියාකාරීම දේශපාලනඥයෙකු ලෙස කටයුතු කළ අනුර කුමාර දිසානායක 2018 වසරේදි විපක්ෂයේ ප්‍රධාන සංවිධායකවරයා ලෙසද තේරී පත්වනවා.

ජනතා විමුක්ති පෙරමුණ ප්‍රමුඛ ජාතික ජන බලවේගය බිහිකරමින් 2019 වසරේදි ප්‍රථමවරට ජනාධිපතිවරණයකට ඉදිරිපත් වන අනුර කුමාර දිසානායකට එහිදි ලබාගැනීමට හැකි වන්නේ සියයට 3 ඉක්මවු ප්‍රතිශතයක් පමණයි.

කෙසේ වෙතත් රට තුළ පැවති ආර්ථික හා දේශපාලනික අර්බුදකාරි වාතාවරණය හමුවේ ජාතික ජන බලවේගයේ මතය ස්ථාවර කිරීම උදෙසා නොපසුබස්නා උත්සාහයෙන් කටයූතු කළ අනුර කුමාර දිසානායක මහතා මෙවර ජනාධිපතිවරණයට යළිත් වරක් ඉදිරිපත් වන්නේ විකල්ප දේශපාලන මතවාදයක් ජනගත කරමින් .

ඒ වෙනුවෙන් ලැබූ ජනමතය අනුව ඔහු මේ වන විට ජයග්‍රාහි මාවතට පිවිස තිබෙනවා /ජනමතයේ පැහැදිලි බහුතරයත් සමග සිය ජයග්‍රහණය තහවුරු කරගෙන තිබෙන්නේ ශ්‍රී ලංකාවේ නව වැනි විධායක ජනාධිපතිවරයා බවට පත් වෙමින්

අනුර කුමාර දිසානායක නම් වූ ඔහු

දිසානායක මුදියන්සේලාගේ අනුර කුමාර දිසානායක, මිනින්දෝරු සහකාරවරයෙකු වූ දිසානායක මුදියන්සේලාගේ රන්බණ්ඩා සහ දිසානායක මුදියන්සේලාගේ සීලවතී යුවලට දාව මාතලේ දේවහූව ග්‍රාමයේදී 1968 වසරේ නොවැම්බර් මස 24 වැනි දින උපත ලැබුවේ එම පවුලේ දෙවැනි දරුවා ලෙසයි.

තඹුත්තේගම ප්‍රාථමික විද්‍යාලයෙන් සිය ප්‍රාථමික අධ්‍යාපනය ලබා ගත් අනුර කුමාර දිසානායක ඉන් අනතුරුව තඹුත්තේගම මධ්‍ය මහා විද්‍යාලයට ඇතුළත්ව අධ්‍යයන පොදු සහතික පත්‍ර උසස් පෙළ විභාගය සඳහා විද්‍යා-ගණිත අංශයෙන් පෙනී සිටියේය. විශ්වවිද්‍යාල අධ්‍යාපනය සඳහා සුදුසුකම් ලබන ඔහු 1992 වසරේදී කැලණිය විශ්ව විද්‍යාලයේ විද්‍යා පිඨයට තෝරා ගනු ලැබීය. ඉන් අනතුරුව විශ්වවිද්‍යාලයීය බෞද්ධ සංගමයේ සභාපති ධුරය දැරීම ඇතුළු විශ්වවිද්‍යාලය තුළ සමාජීය හා දේශපාලන කටයුතුවල ක්‍රියාකාරිකයෙකු වූ අනුර කුමාර දිසානායක අධ්‍යයන කටයුතු හමාර කර 1995 වසරේ දී විද්‍යාවේදී උපාධිය ලබා ගත්තේය.

අනුර කුමාර දිසානායක එදා මෙදා තුර මෙරට දේශපාලන තලය තුළ බිහිවුණු ජව සම්පන්න සහ කැපී පෙනෙනම දේශපාලන නායකයා ලෙස බොහෝ දෙනා සලකන්නේ සාම්ප්‍රදායික දේශපාලන ප්‍රභූ පවුලකට අයත් නොවූවෙකු සිටිමින් සහ ප්‍රගතිශීලී හා ජනතාවාදී දේශපාලන ධාරාව තුළ විවිධ දුෂ්කරතා දරා ගනිමින් ඉදිරියට පැමිණි අයෙකු වීම නිසයි. ඔහුගේ දේශපාලන ගමන් මඟ ආරම්භ වන්නේ ඔහු පාසල් ශිෂ්‍යයෙකුව සිටි කාල වකවානුවේදියි. 1987 වසරේ දී එවකට පැවති ආණ්ඩුව විසින් අත්සන් කරන ලද ඉන්දු – ලංකා ගිවිසුමට එරෙහිව රට පුරා ගොඩනැගුණු දැවැන්ත මහජන විරෝධතාවලට ශිෂ්‍ය ක්‍රියාධරයෙකු ලෙස දායකත්වය සපයමින් ඔහු සමාජවාදී ශිෂ්‍ය සංගමයේ ක්‍රියාකාරිකයකු බවට පත්විය.

දැවැන්ත රාජ්‍ය මර්දනයකට ලක්වීමෙන් අනතුරුව ජනතා විමුක්ති පෙරමුණේ පුනරාගමනය සිදු වූ 1993 කාල වකවානුවෙන් පසුව නැවත ක්‍රියාකාරී දේශපාලනයට පිවිසෙන ඔහු විශ්වවිද්‍යාල සමයේදී කැපී පෙනෙන ශිෂ්‍ය ක්‍රියාකාරිකයෙකු බවට පත්වුණා. ජනතා විමුක්ති පෙරමුණට අනුබද්ධිත සමාජවාදී ශිෂ්‍ය සංගමය නැවත ගොඩනැගීම සඳහා අප්‍රතිහත ධෛර්යෙන් යුතුව කටයුතු කළ ඔහු එවකට සමස්ත විශ්වවිද්‍යාල පද්ධතිය තුළම අරවින්ද නාමයෙන් සැමගේ ආදරය හා ආකර්ෂණය දිනා ගෙන සිටියේය. මෙම ශිෂ්‍ය දේශපාලන ක්‍රියාකාරීත්වයේ කූටප්‍රාප්තිය සනිටුහන් කරමින් 1997 වසරේදී සමාජවාදී ශිෂ්‍ය සංගමයේ ජාතික සංවිධායක ධුරයේ වගකීම් ඔහුට පැවරිණි. අනුර කුමාර දිසානායකගේ දේශපාලන ගමන් මඟේ තීරණාත්මක සංධිස්ථානයක් සනිටුහන් කරමින් 1997 වසරේදීම ඔහු ජනතා විමුක්ති පෙරමුණේ මධ්‍යම කාරක සභාව තෝරා ගනු ලැබීය. ඉන් පසුව ඔහු 1998 වසරේදී ජනතා විමුක්ති පෙරමුණේ දේශපාලන මණ්ඩලයට ඇතුළත් කර ගනු ලැබිණි.

1999 වසරේදී පැවැති පළාත් සභා මැතිවරණයේදී ජනතා විමුක්ති පෙරමුණේ මහ ඇමති අපේක්ෂකයා ලෙස මධ්‍යම පළාත් සභාවට ඔහු තරග වදිමින් ඔහු පළමු වරට බහුජන දේශපාලනයට ප්‍රවේශය ලබා ගත්තේය. 2000 වසරේ පැවැති පාර්ලිමේන්තු මහමැතිවරණයට ජාතික ලයිස්තුවෙන් ඉදිරිපත් වූ අනුර කුමාර දිසානායක පළමු වතාවට පාර්ලිමේන්තු මන්ත්‍රීවරයෙකු ලෙස තේරී පත්විය. ඉන් අනතුරුව 2001 වසරේදී දුර්වල වූ ආණ්ඩුව පරිවාස වැඩපිළිවෙළකට යටත් කර ගනිමින් ආණ්ඩුව ලවා 17වැනි ආණ්ඩු ක්‍රම ව්‍යවස්ථාව සම්මත කර ගැනීම, ගොවි ණය කැපීම ඇතුළු ජනතාවාදී පියවරයන් ඉටු කර ගැනීමේදී තීරණාත්මක කාර්යභාරයක් ඔහු විසින් ඉටු කරනු ලැබීය. නැවත 2004 වසරේදී ඔහු කුරුණෑගල දිස්ත්‍රික්කය නියෝජනය කරමින් පාර්ලිමේන්තුවට තේරී පත්වන්නේ වැඩිම මනාප ඡන්ද සංඛ්‍යාවක් ලබා ගනිමිනුයි. 2004 වසරේදී පිහිටුවන ලද එක්සත් ජනතා නිදහස් සන්ධාන ආණ්ඩුවේ කෘෂිකර්ම, ඉඩම්, වාරිමාර්ග හා පශු සම්පත් අමාත්‍ය ධුරයේ කටයුතු කරන ඔහු එදා මෙදා තුර ලාංකේය දේශපාලන ඉතිහාසයේ අත් නොවිඳි විසල් ආදර්ශයක් එම අමාත්‍ය ධූරයේ කටයුතු කරමින් රටට ලබා දුන් බව පොදුවේ කාගේත් පිළිගැනීම වී තිබේ. බෙදුම්වාදය ශක්තිමත් කරන සුනාමි සහන මණ්ඩලය පිහිටුවීමට ආණ්ඩුව සූදානම් වීම පදනම් කර ගනිමින් ජනතා විමුක්ති පෙරමුණ එම සන්ධාන ආණ්ඩුවෙන් ඉවත් වීමත් සමඟ අනුර කුමාර දිසානායක ඇතුළු ජනතා විමුක්ති පෙරමුණ නියෝජනය කළ අමාත්‍යවරු සිව් දෙනාද එම ආණ්ඩුවෙන් ඉවත් වූහ. මේ අතර 2008 වසරේදී අනුර කුමාර දිසානායක ජනතා විමුක්ති පෙරමුණේ පාර්ලිමේන්තු කණ්ඩායමේ නායකයා ලෙස තෝරා ගනු ලැබිණි. නැවතත් 2010 වසරේදී ජනතා විමුක්ති පෙරමුණද ඇතුළත් ප්‍රජාතන්ත්‍රවාදී ජාතික සන්ධානය නියෝජනය කරමින් ජාතික ලැයිස්තු මන්ත්‍රීවරයකු ලෙස ඔහු නැවතත් පාර්ලිමේන්තුවට පත් විය.

අනුර කුමාර දිසානායකගේ දේශපාලන ගමන් මඟේ ඉතාම තිරණාත්මක සංධිස්ථානයක් සනිටුහන් කළේ 2014 වසරේ පෙබරවාරි මස දෙවෙනි දින පවත්වන ලද ජනතා විමුක්ති පෙරමුණේ 07 වැනි ජාතික සම්මේලනයේදී ජනතා විමුක්ති පෙරමුණේ නායකත්වයට තේරී වීමෙනි. ඔහුගේ නායකත්වය යටතේ ජනතා විමුක්ති පෙරමුණ ජනගත වීම වෙනුවෙන් තීරණාත්මක වැඩකොටසක් ආරම්භ විය. නැවතත් 2015 වසරේදී පවත්වන ලද පාර්ලිමේන්තු මහමැතිවරණයට කොළඹ දිස්ත්‍රික්කයෙන් තරග වැදුණු ඔහු පාර්ලිමේන්තු මන්ත්‍රීවරයෙකු ලෙස තේරී පත්විය. එමෙන්ම 2015 වසරේ සිට 2018 වසරේ දෙසැම්බර් මස 14 වනදා දක්වා කාලය තුළ ශ්‍රී ලංකා පාර්ලිමේන්තුවේ විපක්ෂයේ ප්‍රධාන සංවිධායකවරයා ලෙස කටයුතු කළේද අනුර කුමාර දිසානායකයි. 2019 වසරේ අගෝස්තුවේදී ජනතා විමුක්ති පෙරමුණ ඇතුළු දේශපාලන පක්ෂ, සිවිල් සංවිධාන හා දේශපාලන ක්‍රියාකාරීන් ගණනාවක් එක් කර ගනිමින් ජාතික ජන බලවේගය නම් නැවුම් දේශපාලන ව්‍යාපාරය නිර්මාණය කෙරිණි. සාම්ප්‍රදායික දේශපාලන පක්ෂවලින් හෙම්බත් වී සිටි ජනතාව වේගයෙන් එය වටා ඒකරාශි වීම ඇරඹිණි.

2019 ජනාධිපතිවරණයට ජාතික ජන බලවේගයේ අපේක්ෂකයා ලෙස ඉදිරිපත් වන අනුර කුමාර දිසානායක තියුණු තරගයක් පැවති සටන් බිමක 3.16%ක ඡන්ද ප්‍රතිශතයක් සහ ඡන්ද 418,553ක් ලැබීය. 2020 වසරේ පැවැති පාර්ලිමේන්තු මහ මැතිවරණයෙන් ඔහු නැවතත් පාර්ලිමේන්තුවට තේරී පත්විය.

ආර්ථික අර්බුදය හමුවේ එදා මෙදා තුර ශ්‍රී ලාංකේය දේශපාලන භුමියේ නිර්මාණය වූ අති දැවැන්තම ප්‍රගතිශිලී මහජන ව්‍යාපාරය බවට ජාතික ජන බලවේගය පත්කිරීම සඳහා ඔහු නායකත්වය ලබා දුන්නේය. ජාතික ජන බලවේගය වටා මේ රටේ ජන බලවේග ඒකරාශි කිරීම වෙනුවෙන් අප්‍රතිහත ධෛර්යෙන් හා කැපවීමෙන් යුතුව කටයුතු කළ ඔහු කර්මාන්තකරුවන්, ව්‍යවසායකයින්, කලාකරුවන්, ගොවීන්, කම්කරුවන්, ශිෂ්‍යයින් මෙන්ම විවිධ වෘත්තිකයින්ගෙන් සැදුම්ලත් දැවැන්තම මහජන ව්‍යාපාරයක් බව ජාතික ජනබලවේගය පත් කිරීම සඳහා ඉතාම තීරණාත්මක සහ ආකර්ෂණිය වැඩකොටසක් ඉටු කළේය. 2021 වසරේ දෙසැම්බර් මස 20 වැනි දින පවත්වන ලද ජාතික ජන බලවේගයේ පළමු ජාතික සමුළුවේදී ජාතික ජන බලවේගයේ නායකත්වයට පත් වන අනුර කුමාර දිසානායක ප්‍රගතීශිලී ජනී ජනයාට එක්ව වැඩකළ හැකි දැවැන්තම මහජන ව්‍යාපාරයක් බවට ජාතික ජනබලවේගය පත් කිරිම සඳහා දැවැන්ත මෙහෙවරක් ඉටු කළේය. 2024 ජනාධිපතිවරණයට ජාතික ජන බලවේගයේ අපේක්ෂකයා ලෙස අනුර කුමාර දිසානායක ඉදිරිපත් වන්නේ මෙවැනි තත්වයක් තුළය. අර්ථික අර්බුදය හමුවේ පීඩාවට පත් රටටත් ජනතාවටත් නව පුනරුදයක මාවත පෙන්වූ ඔහු රටට නව දේශපාලන සංස්කෘතියක් ගෙන එන බවටද මැතිවරණයේදී ජනතාවට පොරොන්දු විය. ඔහු සතු නිවැරදි දේශපාලන දැක්ම, නිවැරදි තිරණ ගැනීමේ හැකියාව, පෞරුෂත්වය, ආකර්ෂණිය සංනිවේදන කුසලතාව සහා තියුණු කථිකත්වය, සහකම්පනය, ආදර්ශමත් බව, වෙනස් වන තත්වයන්ට අනුවර්තනය වීමේ හැකියාව වැනි නායකත්ව චරිත ලක්ෂණ හේතුවෙන් සුවහසක් ශ්‍රී ලංකේය ජනයාට තියුණු දේශපාලන ආශ්වාදයක් ගෙනදීමට ඔහු සමත්ව සිටින අතර ජනාධිපතිවරණ ප්‍රතිඵලයෙන් සනාථ වූයේ ජනතාව ඔහුගේ පණිවිඩය තේරුම් ගෙන ඇති බවයි.

ජනපති අනුර ආරක්ෂක ප්‍රධානීන් සමඟ විශේෂ සාකච්ඡාවක්

ජනාධිපති අනුර කුමාර දිසානායක සිය ධුරයේ කටයුතු ආරම්භ කළ මොහොතේම මෙරට ආරක්ෂක අංශ ප්‍රධානීන් සමඟ විශේෂ සාකච්ඡාක් සිදු කර තිබෙනවා.

එහිදී රටේ ආරක්ෂාව සඳහා ගෙන ඇති වැඩපිළිවෙල සම්බන්ධයෙන් කරුණු සාකච්ඡා වීය.

”අපට සහාය ලබා නොදුන් පුරවැසියන්ගේ විශ්වාසය ගොඩනගා ගැනීමේ වගකීම මට පැවරී තිබෙනවා”

තමන්ට සහාය ලබා නොදුන්, ඔවුන්ව විශ්වාස නොකරන පුරවැසියන්ට සහාය ලබාදීම සහ විශ්වාසය ගොඩනගා ගැනීමේ වගකීම සිය පාලන කාලය තුළ තමන්ට පැවරී තිබෙන කාර්යක් බව ජනාධිපති අනුර කුමාර දිසානායක පවසනවා.

එමෙන්ම තමන්ට එම කාර්ය සාර්ථකව නිමකර ගැනීමට හැකියැයි තමන් විශ්වාස කරන බවයි ජනාධිපතිවරයා පවසන්නේ.

ශ්‍රී ලංකාවේ නවවන විධායක ජනාධිපති ලෙස ජනාධිපතිවරයා අද (23) පෙරවරුවේ ජනාධිපති ලේකම් කාර්යාලයේ දිවුරුම් දුන් අවස්ථාවේදී මේ බව පවසා තිබෙනවා.

එම අවස්ථාවේදී ජාතිය අමතමින් නව ජනාධිපතිවරයා මෙසේ සඳහන් පැවසුවා.

”අපේ රටේ ප්‍රජාතන්ත්‍රවාදයේ වැදගත්ම ලක්ෂණය තමයි ජනතාව විසින් තමන් පාලනය පත් කර ගැනීම සඳහා පාලකයෙක් තෝරා පත් කර ගැනීම. නමුත් මැතිවරණය ඡන්දය ප්‍රකාශයට පත් කිරීම හා පාලකයෙක් තෝරා පත්කර ගැනීමෙන් පමණක් ප්‍රජාතන්ත්‍රවාදය අවසන් වන්නේ නැහැ. ඒ වගේම ප්‍රජාතන්ත්‍රවාදය මූලික ලක්ෂණයක් වුවත් අපේ රට තුළ ප්‍රජාතන්ත්‍රවාදය ශක්තිමත් කිරීම වෙනුවෙන් ව්‍යුහයන්ගේ ශක්තිමත්භාවය, ඒ වගේම නීති වල යම් ශක්තිමත්භාවයක් අවශ්‍ය බව අපි පිළිගන්නවා. ඒ නිසා මා ප්‍රථම කොට අපේ රටේ ජනතාවට දැනුවත් කරන්න කැමතියි මේ රටේ ප්‍රජාතන්ත්‍රවාදය වෙනුවෙන් මාගේ ධුරකාලය ඇතුළත මාගේ උපරිම කැප කිරීම පෙන්නුම් කරන්න මම සූදානම්.

එම අප රටේ මැතිවරණයකදී බල හුවමාරුවකදී ඒ ප්‍රජාතන්ත්‍රික විදියට සිදුවූ ඉතිහාසයක් තියෙනවා. කිසිදු විටක මැතිවරණයකදී සිදුවන බලහුවමාරුවක් කිසිදු නායකයෙක් ප්‍රතික්ෂේප කොට නැහැ. ඒ අනුව යමින් හිටපු ජනාධිපති රනිල් වික්‍රමසිංහ මැතිතුමා ජනතාවගේ ජනවරම සුහදව පිළි අර ගනිමින් ප්‍රජාතන්ත්‍රවාදී බල හුවමාරුව පිළිඅරගනිමින් එතුමාගේ කැපවීමට එතුමාගේ ආදර්ශයට ස්තූතිවන්ත වෙනවා.

ඒ වගේම අපේ තාම ගැඹුරින් තේරුම් අරන් තියෙනවා අපිට ලැබෙන්නේ ඉතාමත් අභියෝගාත්මක රටක්. අපේ දේශපාලනය මීට වඩා පිරිසිදු විය යුතු ජනතාව විශාල ලෙස අපේක්ෂා කරන යහපත් දේශපාලනය සංස්කෘතික අවශ්‍යතාවයක් තියෙනවා. ඉතින් අප ඒ වෙනුවෙන් කැප වෙන්න සූදානම්.

අපේ රටේ දේශපාලකයා සහ දේශපාලනය ගැන පොදු පුරවැසියා සතු තියෙන්නේ ඉතාමත් අයහපත් අදහසක්. එය සුදුසු නැති තැනක් වගේ අදහසක් තියෙන්නේ. ඒ නිසා අපේ පැත්තෙන් අපි උපරිම ලෙස ‍නැවත දේශපාලනය කෙරෙහිත් දේශපාලකයා කෙරෙහිත් මහජනයාගේ ගෞරවයත්, මහජනයාගේ විශ්වාසයත් ගෙන ඒම සඳහා අපගේ පාර්ශවයෙන් කළ හැකි සියල්ල කරන්න සූදානම්.

ඒ වගේම අපිට ලැබෙන මේ ගැඹුරුතම අර්බුදය හුදු ආණ්ඩුවකට හුදු දේශපාලන පක්ෂයකට හුදු පුද්ගලයකුට පමණක් පියමන් කළ හැකි දෙයක් කියලා අපි විශ්වාස කරන්නේ නැහැ. මා මීට පෙරත් ප්‍රකාශ කරලා තියෙනවා මා ඉන්ද්‍රජාලිකයෙක් නොවේ. මා මැජික්කරුවෙක් නොවේ. මා මේ රටේ ඉපදුන සාමාන්‍ය පුරවැසියෙක්. හැකියාවන් තිබෙනවා නොහැකියාවන් තිබෙනවා. දන්න දේවල් තිබෙනවා නොදන්න දේවල් තිබෙනවා. මගේ ප්‍රමුඛතම කාර්ය හැකියාවන් උරාගෙන දන්න දේ එක්රැස් කරගෙන වඩාත් හොඳ තීන්දු තීරණ අරගෙන මේ රට මෙහෙයවීමයි. ඒ නිසා ඒ සාමූහික මැදිහත් වීමේ පංගුකරුවෙක් කොටස්කරුවෙක් බවට පත්වීම තමයි මගේ වගකීම. සාමූහික කොටස්කරුවෙක් බවට පත්වීමට මා මැදිහත් වෙනවා.

ඒ වගේම මේ අර්බුදය නිමා කිරීමේදී පොදු පුරවැසියන්ට වගකීමක් තිබෙනවා. ඒ වගකීම ඉටු කරන්න මා සැමදෙනාගේම සහාය අපේක්ෂා කරනවා. නමුත් මා තේරුම් අරන් තියෙනවා රටේ ජනාධිපතිවරයා ලෙස ප්‍රධානතම කාර්යයක් මා සතුව තියෙන බව. ඒ නිසා ක්‍රියාවෙන් භාවිතයෙන් හැම අවස්ථාවකදීම මේ රටේ පුරවැසියන්ට මම ඒත්තු ගන්වන්න මම සූදානම් මේ අභියෝගයේ පියමං කිරීම සඳහා මට පැවරී තිබෙන වැඩ කොටස නිසි පරිදි ඉටුකරන බව.

අවසාන වශයෙන් මම කියන්නේ අපේ රටේ ප්‍රජාතන්ත්‍රවාදය විසින් මාව ජනාධිපති ලෙස තෝරාපත් කරලා තිබෙනවා. ඒ තෝරාපත් කර ගැනීම සඳහා ජනතාව මට ඡන්දය ලබා දීලා තියෙනවා. මට ලබා නොදුන් ඡන්ද ප්‍රමාණයකුත් තිබෙනවා. එනිසා අපේ ජයග්‍රහණයේ සංයුතිය සහ ප්‍රමාණය පිළිබඳව අපට ඉතා හොඳ අවබෝධයක් තිබෙනවා.

ඒ නිසා මාගේ පාලන කාලය තුළ මට පැවරී තිබෙන කාර්ය තමයි අපට සහාය නොදුන්, අපිව විශ්වාස නොකරන පුරවැසියන්ට සහාය ලබාදීම සහ විශ්වාසය ගොඩනගා ගැනීම. ඒ කාර්ය සාර්ථකව නිමකර හැකියි කියන දැඩි විශ්වාසයක් තිබෙනවා. ඉතින් අපි මේ සියල්ල ඉදිරියේදී ප්‍රායෝගිකවත්, අත්දැකීමුත් අත්විඳින්න පුළුවන් වෙයි. ඒ සඳහා සියලු ජනතාවගේ සහාය අපේක්ෂා කරනවා.”

නව ජනාධිපති ලෙස අනුර කුමාර දිසානායක දිවුරුම් දෙයි

නව ජනාධිපති ලේකම් ලෙස ආචාර්ය නන්දික සනත් කුමානායක මහතා පත් කෙරේ..

නව ජනාධිපති ලේකම් ලෙස ආචාර්ය නන්දික සනත් කුමානායක මහතා ගරු ජනාධිපති අනුර කුමාර දිසානායක මහතා විසින් පත් කර ඇත.

කැලණිය විශ්වවිද්‍යාලයේ විද්‍යාවේදී ගෞරව උපාධිය ලබාගත් කුමානායක මහතා ජපානයේ National Graduate Institute for Policy Studies (GRIPS) වෙතින් සංවර්ධන ආර්ථික විද්‍යාව පිළිබඳ ආචාර්ය උපාධියක් සහ රාජ්‍ය මූල්‍ය කළමනාකරණය සහ රාජ්‍ය ආර්ථික විද්‍යාව (Public Economics) පිළිබඳ ශාස්ත්‍රපති උපාධි ලබා ගෙන ඇත.

ඔහු මාතර රාහුල විද්‍යාලයේ ආදි ශිෂ්‍යයෙකි.

ආචාර්ය කුමනායක මහතා රේගු දූෂණ (Customs Corruptions) පිළිබඳ පර්යේෂණ සිදු කර ඇති අතර එම පර්යේෂණ ජාත්‍යන්තර ප්‍රකාශන ගණනාවක ප්‍රකාශයට පත් කර ඇත.

ඔහු ලෝක රේගු සංවිධානය (World Customs Organization) මගින් පිලිගත් රේගු නවීකරණ පිළිබඳ වරලත් උපදේශකවරයෙකි.

ඔහු රේගුව තුළ සුපිළිපන්නතාවය වර්ධනය කිරීම පිළිබඳව විශේෂඥයෙකි.

ආචාර්ය කුමානායක මහතා ලෝක රේගු සංවිධානයේ දූත මණ්ඩල නියෝජනය කරමින් වෙනත් රටවල රේගු සුපිළිපන්නතාවය වර්ධනය කිරීම සඳහා වැඩසටහන් වලටද දායක වී ඇත.

1997 වසරේ රේගු නිලධාරියෙකු ලෙස සේවයට බැඳුනු කුමානායක මහතා ශ්‍රී ලංකා රේගු දෙපාර්තමේන්තුවේ නියෝජ්‍ය අධ්‍යක්ෂවරයෙකු ලෙස සේවය කරන ලදී.

රටවල් රැසකින් නව ජනපතිට සුබපැතුම්

මාධ්‍ය නිවේදනය

අනුර කුමාර දිසානායක මහතා සිය මන්ත්‍රී ධුරයෙන් ඉල්ලා අස්වීම හේතුවෙන් නවවැනි පාර්ලිමේන්තුවේ මන්ත්‍රී ධුරයක පුරප්පාඩුවක් පවතින බව පාර්ලිමේන්තුව මැතිවරණ කොමිෂන් සභාවට දන්වයි

කොළඹ මැතිවරණ කොට්ඨාසයේ පාර්ලිමේන්තු මන්ත්‍රී අනුර කුමාර දිසානායක මහතා ශ්‍රී ලංකා ප්‍රජාතන්ත්‍රික සමාජවාදී ජනරජයේ ජනාධිපතිවරයා ලෙස එම ධුරය 2024 සැප්තැම්බර් මස 23 වැනි දින සිට භාර ගන්නා ලද හෙයින්, තමා වෙත එවන ලද ලිපියක් මගින් එදින සිට බලපැවැත්වෙන පරිදි තම පාර්ලිමේන්තු අසුනෙන් ඉල්ලා අස්වී ඇති නිසාවෙන් නවවැනි පාර්ලිමේන්තුවේ මන්ත්‍රී ධුරයක පුරප්පාඩුවක් ඇතිවී තිබෙන බව පාර්ලිමේන්තුවේ මහ ලේකම් කුෂානි රෝහණදීර මහත්මිය මැතිවරණ කොමිෂන් සභාව වෙත දන්වා තිබේ.
ආණ්ඩුක්‍රම ව්‍යවස්ථාවේ 66 (ඇ) ව්‍යවස්ථාව සහ 1988 අංක 35 දරන ඡන්ද විමසීමේ විශේෂ විධිවිධාන පණතින් සංශෝධිත 1981 අංක 1 දරන පාර්ලිමේන්තු මැතිවරණ පනතේ 64 (1) වගන්තිය ප්‍රකාරව මෙම දැනුම්දීම සිදු කරන බවද මහ ලේකම්තුමිය සිය ලිපියේ වැඩිදුරටත් සඳහන් කර සිටී.

“කිසිදු භේදයකින් තොරව රට වෙනුවෙන් වගකීම් ඉටු කරනවා”

මෙරට 9වන විධායක ජනාධිපති ලෙස අනුර කුමාර දිසානායක මහතා තේරී පත්වී ඇතැයි මැතිවරණ කොමිෂන් සභාවේ ආර්.එම්.ඒ.එල් රත්නායක මහතා නිල වශයෙන් නිවේදනය කළේය.

2024 ජනාධිපතිවරණ ඡන්ද විමසුමේ අවසන් ප්‍රතිඵලය දැනුම් දීම සඳහා මීට සුළු මොහොතකට පෙර මැතිවරණ කොමිෂන් සභාවේ පැවති මාධ්‍ය හමුවට එක්වෙමින් කොමිෂන් සභාවේ සභාපතිවරයා මේ බව පැවසීය. ඒ අනුව 2024 ජනාධිපතිවරණයේ පළමු ගණන් කිරීමේදී අනුර කුමාර දිසානායක ලබාගත් සමස්ත ඡන්ද සංඛ්‍යාව 5,634,915කි. එය ප්‍රතිශතයක් ලෙස 42.31%කි. දෙවැනි සහ තුන්වැනි මනාප ගණනය කිරීමේදී අනුර දිසානායක මහතා මනාප 105,264ක් ලබා ගත් අතර, ඒ අනුව ඡන්ද සංඛ්‍යාව 5,740,179 දක්වා ඉහළ ගිය බවත් සභාපතිවරයා වැඩිදුරටත් පැවසීය.